Poème: VOAHIRANA - Anse Etoile

Publié le par Alain GYRE

VOAHIRANA

 

Lolon-drano meva sy mahababo

Mipoitra an-tsefatsefan-tatamo

Na iza misarika na iza manosika

Voahirana kosa tsy mety milofika

 

Endrin-dobo mahavelom-bolo

Tsy takon’ny haizin’ny tontolo

Mihiratra lava na alina na andro

Voahirana taratra hatrao anaty rano

 

Haingon-doharano mangatsakatsaka

Mpanjakavavin’ny mangarahara

Loko botsiaka no avohitry ny sorany

Voahirana mitana ny fahadiovany

 

Quatre Bornes, 28 Mai 2010

Anse etoile

Commenter cet article