Poème: HO ANAO RY NENY

Publié le par Alain GYRE

Photo: www.ellefondation.org

Photo: www.ellefondation.org

HO ANAO RY NENY

 

Ho anao...

Tsy mba mitarain-tàna-mihepaka

Tsy mba milavo lefona raha lanaka

Fa miharitra hatrany ny mangidy

Misikina hanatontosana ireo  adidy

 

Ho anao....

Tsy mba mikely soroka, tsy kivy

Tsy mety mihemotra na midify  

Sahy mihatrika ny hady dikaina

Hahatafita ireo sombin’ny aina

 

Ho anao...

Vony ravaky ny tontolon’ny akany

Hanitry ny tokatrano tsy mety lany

Ony ipoiran’ny hasin’ny fianakaviana

Foto-pitia ijoroan’ny taranaka any aoriana

 

Ho anao indrindra ry Neny,

No anandratako anio vavaka manokana

Hitahirizan’Izy Tompo ‘lay ainao tokana

Hitoeranao hatrany eo ambany fahasoavany

Ary hijoroanao ho voninahitry ny Anarany

 

 

Antananrivo, 29 Mai 2016

Anse Etoile

HANTANIRINA OLIVA RAJOHARISON

Publié dans Poèmes

Commenter cet article